ಸ್ತ್ರೀ ಸಂಘಟನ್, ಸಾಂ ಜುಜೆ ವಾಜ್ ಮಂಗ್ಳುರ್ ದಕ್ಷಿಣ್ ವಾರಾಡೊ ಹಂತಾರ್ ಗಾಯನ್ ಆನಿ ನಾಚ್ಪಾ ಸ್ಪರ್ಧೆ 

ಸ್ತ್ರೀ ಸಂಘಟನ್, ಸಾಂ ಜುಜೆ ವಾಜ್ ಮಂಗ್ಳುರ್ ದಕ್ಷಿಣ್ ವಾರಾಡೊ ಹಂತಾರ್ ಗಾಯನ್ ಆನಿ ನಾಚ್ಪಾ ಸ್ಪರ್ಧೆ 

ಸಪ್ಟೆಂಬರ್ ಮಹಿನ್ಯಾಚ್ಯಾ 28 ತಾರಿಕೆರ್ ಮಂಗ್ಳುರ್ ದಕ್ಷಿಣ್ ವಾರಾಡೊ ಸ್ತ್ರೀ ಸಂಘಟನಾನ್, ವಾರಾಡೊ ಹಂತಾರ್ ಗಾಯನ್ ಆನಿಂ ನಾಚ್ಛಾ ಸ್ಪರ್ಧೆ, ಪೆರ್ಮನ್ನೂರು ಇಸ್ಕೊಲಾಚ್ಯಾ ಸಭಾ ಸಾಲಾಂತ್ ಮಾಂಡುನ್ ಹಾಡ್ಲೊ

ಮಂಗ್ಳುರ್ ದಕ್ಷಿಣ್ ವಾರಾಡ್ಯಾಚೆ ವಿಗಾರ್ ವಾರ್ ಬೊ। ಮಾ। ಬಾಪ್ ಸಿಪ್ರಿಯನ್ ಪಿಂಟೊ ಹಾಣಿಂ ದಿವೊ ಪೆಟವ್ನ್ ಕಾರ್ಯೆಂ ಉದ್ಘಾಟನ್ ಕರ್ನ್, ಹಾಂಗಾಸರ್ ಹ್ಯಾ ಕಾರ್ಯಕ್ರಮಾಕ್ ಹಾಜರ್ ಜಾಲ್ಲ್ಯಾ ಸ್ತ್ರೀಯಾಂಚಿ ಹುಮೆದ್ ಪಳೆವ್ನ್ ವರ್ತೊ ಸಂತೊಸ್ ಭೋಗ್ತಾ. ಸ್ತ್ರೀಯೋ ಘರಾ ಭಾಯ್ರ್ ಕಾಮ್ ಕರ್ನ್, ಕುಟಾಮ್ ಸಾಂಬಾಳ್ನ್ ಆಯ್ತಾರಾಚೊ ಥೊಡೊ ವೇಳ್ ಉಪಯೋಗ್ ಕರ್ನ್, ಹಾಂಗಾಸರ್ ಯೇವ್ನ್ ತಾಂಚಿ ತಾಲೆಂತಾಂ ಪ್ರದರ್ಶನ್ ಕರ್ಚಿ ಪಳೆತಾನಾ, ನಿಜಾಕೀ ತುಮ್ಕಾಂ ಶಾಭಾಸ್ಕಿ ಫಾವೊ. ತುಮಿಂ ಹುಮೆದಿನ್ ಭರೊನ್ ಹೆರಾಂಕೀ ಹುಮೆದಿನ್ ಭರಾ. ಘರಾಂತ್ ತುಮ್ಚ್ಯಾ ಭುರ್ಗ್ಯಾಂಕೀ ಹಿಚ್ಚ್ ಹುಮೆದ್ ದೀವ್ನ್, ತಾಂಕಾಂ ಸಮಾಜೆಂತ್ ಬರೆಂ ನಾಗರಿಕ್ ಕರಾ ಮಳ್ಳೋ ಸಂದೇಶ್ ದಿಲೊ.

ವಾರಾಡೊ ಸ್ತ್ರೀ ಸಂಘಟನಾಚೆಂ ಆತ್ಮೀಕ್ ನಿರ್ದೇಶಕ್ ಮಾ| ಬಾ| ಜೋಸೆಪ್ ಮಸ್ಕರೇನಸ್, ಸ್ತ್ರೀಯಾನಿಂ ಘರಾಂನಿಂ ಮಾತ್ ಸೀಮಿತ್ ಜಾಯ್ತಾಸ್ತಾನಾಂ, ಅಸಲೆಂ ಕಾರ್ಯಕ್ರಮ್ ಮಾಂಡುನ್ ಹಾಡ್ತಾನಾ ಹಾಂತುಂ ಭಾಗ್ ಫೆತ್ಲೆಲೆಂ ವರ್ತೊ ಅಭಿಮಾನ್ ಜಾವ್ನಾಸಾ. ವಾರಾಡ್ಯಾಚ್ಯಾ ಸರ್ವ್ ಸ್ತ್ರೀಯಾಂಕ್ ಅಭಿನಂದನ್ ಪಾಟಯ್ಲೆಂ ಆನಿಂ ಬರೆಂ ಮಾಗ್ಲೆಂ.

`ಪೆರ್ಮನ್ನೂರು ಘಟಕಾಚ್ಯಾ ಸ್ತ್ರೀಯಾಂಚ್ಯಾ ಪ್ರಾರ್ಥನ್ ಗಿತಾಂ ದ್ವಾರಿಂ ಕಾರ್ಯಾಚಿ ಸುರ್ವಾತ್ ಕೆಲಿ. ವಾರಾಡೊ ಅಧ್ಯಕ್ಷ್  ಮಾನೆಸ್ತಿನ್ ಲಿನೆಟ್ ಕ್ಯಾಸ್ತೆಲಿನೊನ್ ಹಾಜರ್ ಆಸ್ಲ್ಯಾ ಸರ್ವ್ ಮಾನಾಚ್ಯಾ ಸೈರ್ಯಾಂಕ್ ಸ್ವಾಗತ್ ಕೆಲೊ. ಪೆರ್ಮನ್ನೂರು ಫಿರ್ಗಜ್ ಉಪಾಧ್ಯಕ್ಷ್ ಮಾನೆಸ್ತ್ ಅರುಣ್ ಡಿಸೋಜ, ಕಾರ್ಯದರ್ಶಿ ಮಾನೆಸ್ತಿಣ್ ಜ್ಯೋತಿ ಡಿಸೋಜ, ಆಯೋಗಾಚೊ ಸಂಚಾಲಕ್ ಮಾನೆಸ್ಟ್ ಡೊಲ್ಫಿ ಡಿಸೋಜ, ವಾರಾಡೊ ಅಧ್ಯಕ್ಷ್ ಲಿನೆಟ್ ಕ್ಯಾಸ್ತಲಿನೊ. ವಾರಾಡೊ ಕಾರ್ಯದರ್ಶಿ ಲಿಡ್ರಿನ್ ಲೋಬೊ, ಪೆರ್ಮನ್ನೂರು ಘಟಕಾಚಿ ಅಧ್ಯಕ್ಷ್ ಕ್ಲಾರಾ ಡಿಸೋಜ ಹಾಣಿಂ ವೆದಿರ್ ಆಸೊನ್ ಕಾರ್ಯೆಂ ಸೊಭಯ್ಲೆಂ.

ವರಯ್ಣಾರ್ ಜಾವ್ನ್ ಸಿ। ರೀಟಾ ಡಿಸೋಜ UFS, ಮಾನೆಸ್ತ್ ಅಲ್ವಿನ್ ಡಿಕುನ್ಹಾ ಆನಿ ಮಾನೆಸ್ತ್ ರಾಹುಲ್ ಪಿಂಟೊ ಹಾಜರ್ ಆಸೊನ್ ಬರ್ಯಾ ರಿತಿನ್ ವರವ್ಣಿ ಕೆಲಿ. ಕಾರ್ಯದರ್ಶಿ ಲಿಡ್ವಿನ್ ಲೋಬೋನ್ ವರಯ್ಣಾರಾಂಚಿ ವಳಕ್ ಕರ್ನ್ ದಿಲಿ. ವಾರಾಡೊ ಸಹ ಕಾರ್ಯದರ್ಶಿ ಆಶಾ ಫೆರ್ನಾಂಡಿಸಾನ್ ಧನ್ಯವಾದ್ ಪಾಟಯ್ಲೆಂ. ಉಪಾಧ್ಯಕ್ಷ್ ಪ್ರಮೀಳಾ ಡಿಸೋಜ ಪೆರ್ಮನ್ನೂರು ಹಿಣೆಂ ವ್ಯವಸ್ಥಿತಿನ್ ರಿತಿನ್ ಕಾರ್ಯಕ್ರಮ್ ಮಾಂಡುನ್ ಹಾಡುಂಕ್ ಸಹಕರ್ಸಿಲೆಂ. ಖಜಾನ್ದಾರ್ ಟ್ರೆಸ್ಸಿ ರೊಡ್ರಿಗಸಾನ್ ಕಾರ್ಯಕ್ರಮ್ ನಿರೂಪಣ್ ಕೆಲೆಂ.

ಹ್ಯಾ ಕಾರ್ಯಕ್ರಮಾಂತ್ ವಾರಾಡ್ಯಾಚ್ಯಾ 8 ಫಿರ್ಗಜೆಚ್ಯಾ ಸ್ತ್ರೀ ಸಂಘಟನಾಚ್ಯಾ ಸಾಂದ್ಯಾನಿಂ ಗಾಯಾನ್ ಆನಿ ನಾಚ್ಛಾ ಸ್ಪರ್ಧ್ಯಾಂತ್ ಭಾಗ್ ಘೆವ್ನ್ ಅಪ್ಲಿ ತಾಲೆಂತಾಂ ಪ್ರದರ್ಶನ್ ಕರ್ನ್ ಬಹುಮಾನ್ ಆಪ್ಲಾಯ್ಲಿಂ, ಭಾಗ್ ಫೆತ್ ಲ್ಲಾ ಹರ್ಯೆಕ್ ಘಟಕಾಕ್ ಪ್ರೋತ್ಸಾಹಕ್ ಬಹುಮಾನಾಂ ವಾಂಟ್ಲಿ. ಹ್ಯಾ ಕಾರ್ಯಕ್ರಮಾಂತ್ ಸುಮಾರ್ 200 ಸ್ತ್ರೀಯೋ ಹಾಜರ್ ಆಸ್ಲ್ಯೊ. ನಿಮಾಣೆಂ ಗೀತ್ ಗಾವ್ನ್ ಕಾರ್ಯಕ್ರಮ್ ಅಖೇರ್ ಕೆಲೆಂ.