ಬೊಂದೆಲ್ ಸ್ತ್ರೀ ಸಂಘಟನಾನ್ ಕೆಲ್ಲೊ ವಾವ್ರ್

ಬೊಂದೆಲ್ ಸ್ತ್ರೀ ಸಂಘಟನಾನ್ ಕೆಲ್ಲೊ ವಾವ್ರ್

ನವೆಂಬರ್ 15 ಫಿರ್ಗಜೆಂತ್ ದೊತೊರ್ನೆಚೊ ದೀಸ್ ಆಸ್ ಲ್ಲೊ, ಸ್ತ್ರೀ ಸಂಘಟನಾಚಾ ಸಾಂದ್ಯಾನಿ ಸಾಂಗಾತಾ ಮೆಳೊನ್ ಲಗ್ ಬಗ್ 900 ಲೊಕಾಚಾ ಜೆವ್ಣಾಚಿ ತಯಾರಾಯ್ ಆನಿ ಜೆವಾಣ್ ವಾಡ್ಚಾಕ್ ಸ್ತ್ರೀ ಸಂಘಟನಾಚಾ ಸಾಂದ್ಯಾ ಥಾವ್ನ್ ಪುರ್ತೊ ಪಾತ್ರ್ ಆಸ್ ಲ್ಲೊ.

ನವೆಂಬರ್ 18 ಇಗರ್ಜ್ ಉಗ್ತಾವಣೆಚಾ ವಾರ್ಷಿಕ್ ದಿಸಾಚಾ ಸಂಭ್ರಮ್ ಆನಿ 86 ಬುರ್ಗ್ಯಾಂಕ್ ಕ್ರೀಜ್ಮಾಚೊ ಸಾಕ್ರಾಮೆಂತ್ ಫಿರ್ಗಜೆಂತ್ ಆಸಾ ಕೆಲ್ಲೊ. ಹ್ಯಾ ವೆಳಾರ್ 1,500 ಲೊಕಾಕ್ ಜೆವ್ಣಾಚಿ ತಯಾರಾಯ್ ಆನಿ ವಾಡುಂಕ್ ತಶೆಂಚ್ ಹೆರ್ ಮಾಂಡಾವಳ್ ಕರುಂಕ್ ಸ್ತ್ರೀ ಸಂಘಟನಾಚಾ ಸಾಂದ್ಯಾನಿ ಬೊರೊ ವಾವ್ರ್ ಕೆಲಾ.

ಕ್ರಿಸ್ ಮಸ್ ಆಚರಣ್ ಜಾವ್ನ್, ಸ್ನೇಹದೀಪ್ ಹೆಚ್ ಐ ವಿ ಪಿಡೆಸ್ತ್ ಬುರ್ಗ್ಯಾಂಚಾ ಆಶ್ರಮಾಕ್ ಡಿಸೆಂಬರ್ 26 ತಾರ್ಕೆರ್ ಸಾಂಜೆರ್ 5:30 ವೊರಾರ್ ಭೆಟ್ ಕೆಲಿ. ಆಶ್ರಮಾಂತ್ 22 ಬುರ್ಗಿಂ ಆಸ್ ಲ್ಲಿಂ.

ಹ್ಯಾ ವೆಳಾರ್ ತಾಂಕಾ ಮನೋರಂಜನ್ ಆನಿ ಖೆಳ್ ಚಲವ್ನ್ ವೆಲೆ, ಜಿಕ್ ಲ್ಲ್ಯಾಂಕ್ ಬಹುಮಾನಾಂ ದೀವ್ನ್ ಸಂತೊಸ್ ಕೆಲೊ. ಸಾಂಜೆಚಿ ಕಾಫಿ – ಫಳಾರ್, ಕುಸ್ವಾರ್, ವೊರ್ವಿ ದೀವ್ನ್ ಆನಿ ಥೊಡೊ ವೇಳ್ ತಾಂಚೆ ಸಾಂಗಾತಾ ಖರ್ಚಿಲೊ ಆನಿ ಬುರ್ಗ್ಯಾಂಕ್ ಧಾದೊಶಿ ಕೆಲೆಂ.

ಬೊಂದೆಲ್ ಫಿರ್ಗ್ ಜ್, ಪೂಣ್ ಶೆತ್ ಜಾಲ್ಲ್ಯಾ ವರ್ವಿಂ, ಹರ್ಯೆಕಾ ಮುಂಗ್ಳಾರಾ ಜಾಂವ್ಚಾ ನೊವೆನಾಕ್ ವಾತಿ ಬಾಂದ್ಚೆ ಕಾಮ್ ಕರ್ನ್ ಆನಿ ತಶೆಂಚ್ ಫಿರ್ಗಜ್ ನಿತಳ್ ದವ್ರುಂಕ್ ಆಧಾರ್ ದಿತಾತ್.