ಮದರ್ ತೆರೆಜಾ ವಾರಾಡೊ – ಸ್ತ್ರೀ ಸಂಘಟನ್ ಸುರತ್ಕಲ್

ನವೆಂಬರ್ ಮಹಿನ್ಯಾಚ್ಯಾ 3 ತಾರಿಕೆರ್ ಸಾಂಜೆರ್ 5 ವೊರಾರ್ ವಾರಾಡ್ಯಾಚಿ ಜಮಾತ್ ಸುರತ್ಕಲ್ ಫಿರ್ಗಜ್ ಸಾಲಾಂತ್ ಚಲವ್ನ್ ವ್ಹೆಲಿ. ಜಮಾತೆಕ್ ಅತ್ಮೀಕ್ ನಿರ್ದೇಶಕ್ ಮಾ|ಬಾ|ಅಬ್ರಾಹಾಂ ಡಿಸೋಜಾ ಆನಿ ದಿಯೆಸಿಜಿಚಿ ಅಧ್ಯಕ್ಷಿಣ್ ಗ್ರೆಟ್ಟಾ ಪಿಂಟೊ ಹಾಜರ್ ಆಸ್ಲೆಲಿಂ.

ವಾರಾಡ್ಯಾಚೆಂ ಚುನಾವಣ್ ತ್ಯಾ ದಿಸಾ ಚಲವ್ನ್ ವ್ಹೆಲೆಂ. ಕೇಂದ್ರಿಯ ಅಧ್ಯಕ್ಷಿಣಿನ್ ರೂಲಿ ಆನಿ ರೆಗ್ರೊ ವಾಚುನ್ ಸಾಂಗ್ಲೆ.

ನವೆ ಹುದ್ದೆದಾರ್ ವಿವರ್

ಅಧ್ಯಕ್ಷ್: ಜಾನೆಟ್ ಡಿಸೋಜಾ

ಉಪಾಧ್ಯಕ್ಷ್ : ಪ್ರಿಯಾ ಲೋಬೊ

ಕಾರ್ಯದರ್ಶಿ : ಲವೀನಾ ಫೆರ್ನಾಂಡಿಸ್

ಸಹಕಾರ್ಯದರ್ಶಿ : ಗ್ರೆಟ್ಟಾ

ಖಜನ್ದಾರ್ : ಪ್ರಮೀಳಾ ಪುರ್ಟಾಡೊ

ಜಾಗೃಣ್ ಪ್ರತಿನಿಧಿ : ಕ್ಲಾರಾ ಡಿಸೋಜಾ

ಆತ್ಮೀಕ್ ನಿರ್ದೇಶಕ್ ಬಾಪಾನಿಂ ಸರ್ವ್ ನವ್ಯಾ ಹುದ್ದೆದಾರಾಂಕ್ ಉಲ್ಲಾಸ್ ಪಾಠಯ್ಲೆಂ. ಸೆವಾ ದಿಲ್ಲ್ಯಾ ಸರ್ವ್ ಹುದ್ದೆದಾರಾಂಕ್ ಶಾಭಾಸ್ಕಿ ಪಾಟಯ್ಲೆಂ. ತಶೆಂಚ್ ಆನಿ ಮುಕಾರಿಯೀ ತುಮಿ ಎಕ್ವಟಾನ್ ಆಸುನ್ ಕಾರ್ಯಕ್ರಮ ಕರುಂಕ್ ಉಲೊ ದಿಲೊ.

ಜನವರಿ ಮಹಿನ್ಯಾಚ್ಯಾ 14 ತಾರಿಕೆರೆ ಸಾಂಜೆರ್ 5 ವೊರಾರ್ ವಾರಾಡ್ಯಾಚಿ ಜಮಾತ್ ತೋಕುರು ಫಿರ್ಗಜ್ ಸಾಲಾಂತ್ ಚಲವ್ನ್ ವ್ಹೆಲಿ. ಜಮಾತೆಕ್ ತೋಕುರು ಫಿರ್ಗಜಿಚೆಂ ವಿಗಾರ್ ಬಾಪ್ ಹಾಜರ್ ಆಸ್ಲೆಂ. ಮಾರ್ಚ್ ಮಹಿನ್ಯಾಂತ್ ಚಲವ್ನ್ ವರ್ಚ್ಯಾ ಸ್ತ್ರೀಯಾಂಚ್ಯಾ ದಿಸಾಂತ್ ವಾರಾಡ್ಯಾಚ್ಯಾ ಸರ್ವ್ ಘಟಕಾನಿಂ ಸಕ್ರೀಯ್ ರಿತಿನ್ ಭಾಗ್ ಘೆಜಾಯ್. ಏಕ್ ಉತ್ತೀಮ್ ಸಂಪನ್ಮೂಲ್ ವ್ಯಕ್ತಿಕ್ ನೇಮಕ್ ಕರುನ್ ಸರ್ವ್ ಘಟಕಾ ಥಾವ್ನ್ ಏಕೆಕ್ ಕಾರ್ಯಕ್ರಮ್ ದೀವ್ನ್ ಹೆಂ ಆಚರಣ್ ಅರ್ಥಾಭರಿತ್ ರಿತಿನ್ ಆಚರ್ಸುಂಕ್ ವಿಗಾರ್ ಬಾಪಾನಿಂ ಸಲಹಾ ದಿಲಿ.

ಪ್ರಗತಿ ಸ್ತ್ರೀ ಸಂಘಟನ್ ಸುರತ್ಕಲ್

ಅಕ್ಟೋಬರಾಂತ್ ನವ್ಯಾ ಹುದ್ದೆದಾರಾಂಚಿ ವಿಂಚೊವ್ಣ್ ಕೆಲಿ.
ವೆಲಕಣ್ಣೂರ್ ಯಾತ್ರಿಕ್ ಪಯಣ್ ಫಿರ್ಗಜಿಚ್ಯಾ ಸರ್ವ್ ಲೊಕಾಂ ಖಾತಿರ್ ಆಯೋಜನ್ ಕೆಲ್ಲೆಂ ಹಾಂತು 71 ಜಣಾಂನಿ ಭಾಗ್ ಘೆತ್ಲಾ.
ಕಾಜಾರಾಂ ನೊಂದಾವಣ್ ಕಾರ್ಯಕ್ರಮ್ ಆಯೋಜನ್ ಕೆಲ್ಲೆಂ ಹಾಂತು 40 ಜೊಡ್ಯಾಂನಿ ಭಾಗ್ ಘೆತ್ಲಾ.
ಕ್ರಿಸ್ಮಸಾ ವೆಳಾರ್ ಸಿಕ್ರೇಟ್ ಸಾಂತಾ ಖೆಳೊನ್ ತಾಂಚ್ಯಾ ಕ್ರಿಸ್ಮಸ್ ಫ್ರೆಂಡಾಕ್ ಗಿಫ್ಟ್ ದಿಲಾಂ
ನವೆಂ ವರಸ್ ಆರಂಭ್ ಕರ್ತಾನಾ ಸಂಘಟನಾಂತ್ ಕೇಕ್ ಕಟ್ ಕರ್ನ್ ಆತ್ಮೀಕ್ ನಿರ್ದೇಶಕ ಬಾಪಾ ಸವೆಂ ಸರ್ವಾಂಕ್ ಶುಭಾಶಯ್ ಪಾಟಯ್ಲೆಂ.
ಕೊಂಪ್ರಿಚ್ಯಾ ಆಯ್ತಾರಾ ಆನಿ ಬೆಸ್ಪಾಕ್ ಕ್ಯಾಂಡಲ್ಸ್ ತಯಾರ್ ಕರ್ನ್ ಸರ್ವಾಂಕ್ ಪೆಟವ್ನ್ ದಿಲಾ.

ಗ್ಲೋರಿಯಾ ಸ್ತ್ರೀ ಸಂಘಟನ್ ಮುಲ್ಕಿ

ಸಪ್ಟೆಂಬರ್ 14 ತಾರಿಕೆರ್ ಚಲಯಿಲ್ಲ್ಯಾ ಪ್ರಾಯ್ವಂತಾಂಚ್ಯಾ ದಿಸಾಂತ್ 4 ಆಯೋಗಾಂ ಸಂಗಿ ಸ್ತ್ರೀ ಸಂಘಟನಾನ್ ಸಕ್ರೀಯ್ ರಿತಿನ್ ಸ್ವಯಂ ಸೇವಕ್ ಜಾವ್ನ್ ಸೆವಾ ದಿಲಾ.
ಅಕ್ಟೋಬರ್ 19 ಮಿಸಾಂವ್ ಆಯ್ತಾರಾ ಘರಾ ಜಾಲ್ಲಿಂ ಫಳ್ ವಸ್ತು ಏಲಂ ಕರುನ್ ಘಟಕಾಚ್ಯಾ ಸಾಂದ್ಯಾನಿ ದಿಲ್ಯಾಂತ್ ಆನಿ ಏಲಂ ಜಾಲ್ಲ್ಯೊ ವಸ್ತು ಘೆವ್ನ್ ಮಿಸಾಂವ್ ಆಯ್ತಾರಾಕ್ ಸಹಕಾರ್ ದಿಲಾ.
ಎಕಾ ಪಿಡೆಸ್ತಾಕ್ ಭೇಟ್ ಕರ್ನ್ ದುಡ್ವಾಚಿ ಕುಮೊಕ್ ಕೆಲ್ಯಾ

ಜ್ಯೋತಿ ಸ್ತ್ರೀ ಸಂಘಟನ್ ಮುಕ್ಕ

ಮೊಂತಿ ಸಾಯ್ಬಿಣಿಚ್ಯಾ ಫೆಸ್ತಾ ಸಂದರ್ಬಾರ್ ಫಿರ್ಗಜೆಚ್ಯಾ ಎಕಾ ಕುಟ್ಮಾಕ್ ರಾಂದ್ವಯ್ ದೀವ್ನ್ ಕುಮೊಕ್ ಕೆಲ್ಯಾ
ಮೊಂತಿ ಸಾಯ್ಬಿಣಿಚ್ಯಾ ನೊವೆನಾಚಿ ಫುಲಾಂ ಕಾಡ್ನ್ ನಿತಳ್ ಕೆಲಾ ಆನಿ ಫೆಸ್ತಾ ದಿಸಾ ಸಾಂಜೆರ್ ಐಸಿವೈಎಮ್ ಸಾಂದ್ಯಾನಿ ಆಸಾ ಕೆಲ್ಲ್ಯಾ ಖೆಳಾಂಕ್ ಸರ್ವಾಂಕ್ ಥಂಡ್ ಪೀವನ್ ಒದಗ್ಸುನ್ ದಿಲಾಂ.
ಮಿಸಾಂವ್ ಆಯ್ತಾರಾ ವಿವಿಧ್ ರಿತಿಚಿಂ ಖಾಣಾ ತಯಾರ್ ಕರ್ನ್ ದಿಲಾ
ಕ್ರಿಸ್ಮಸ್ ಫೆಸ್ತಾಕ್ ಕುಸ್ವಾರ್ ವಾಂಟ್ಚೆ ಕಾರ್ಯಕ್ರಮ್ ಆಸಾ ಕೆಲಾ ಆನಿ ಫೆಸ್ತಾ ದಿಸಾ ರಾತಿಂ ನಾಚ್ ಆನಿ ಕ್ಯಾರಲ್ಸ್ ಗಾಯನ್ ಕಾರ್ಯಕ್ರಮ ಸಾದರ್ ಕೆಲಾ.
ಕ್ರಿಸ್ಮಸ್ ನೆಕೆತ್ರಾಂ ಸ್ಪರ್ಧೋ ಆಸಾ ಕರುನ್ ವಿಜೇತಾಂಕ್ ಇನಾಮಾಂ ವಾಂಟ್ಲ್ಯಾಂತ್.

ನಿತ್ಯಾಧರ್ ಸ್ತ್ರೀ ಸಂಘಟನ್ ತೊಕೂರು

ಅಗೋಸ್ತ್ 15 ತಾರಿಕೆರ್ ಧ್ವಜಾರೋಹಣಾ ಉಪ್ರಾಂತ್ ಸರ್ವಾಂಕ್ ಗೊಡ್ಸೆಂ ವಾಂಟ್ಲ್ಯಾಂತ್.
ಅಕ್ಟೋಬರ್ 19 ತಾರಿಕೆರೆ ಮಿಸಾಂವ್ ಆಯ್ತಾರಾಕ್ ನಾಷ್ಟೊ ತಯಾರ್ ಕರುನ್ ವಿಕುನ್ 20,300 ರೂಪಯ್ ಮಿಸಾಂವ್ ಆಯ್ತಾರಾಕ್ ದಿಲ್ಯಾಂತ್.
ಫಿರ್ಗಜ್ ಫೆಸ್ತಾ ಸಂದರ್ಭಿ ಅಕ್ಟೋಬರಾಂತ್ ಇಗರ್ಜೆ ವಠಾರ್ ಆನಿ ಭಾಯ್ಲ್ಯಾನ್ ನಿತಳಾಯ್ ಕೆಲಾ.
ದಸೆಂಬರ್ 2 ತಾರಿಕೆರ್ ಸಿಯೋನ್ ಆಶ್ರ್ಯಾಕ್ ಭೇಟ್ ದಿಲ್ಯಾ ಹ್ಯಾ ವೆಳಾರ್ ತಾಂಕಾ ಸದಾನೀತ್ ಉಪಯೋಗ್ ಪಡ್ಚ್ಯೊ ವಸ್ತು ಸರ್ವ್ ಸ್ತ್ರೀಯಾನಿ ದಿಲ್ಲೋ ತಾಂಕಾ ದೀವ್ನ್ ವಿಗಾರ್ ಬಾಪಾ ಸಾಂಗಾತಾ ತಾಂಚೆ ಸವೆಂ ವೇಳ್ ಖರ್ಚುನ್ ಆಯ್ಲ್ಯಾಂವ್.
ದಸೆಂಬರ್ 14 ತಾರಿಕೆರ್ ಫಿರ್ಗಜೆಂತ್ ಮಾಗ್ಣೆಂ ಚಲವ್ನ್ ವೆಲಾ
ಕ್ರಿಸ್ಮಸ್ ಕಾರ್ಯಕ್ರಮಾಂಕ್ ಚರುಮುರಿ ಆನಿ ಥಂಡ್ ಪೀವನ್ ವಿಕ್ಲಾಂ

ಸಾಂ ತೆರೆಜ್ ಸ್ತ್ರೀ ಸಂಘಟನ್ ಕಾಟಿಪಳ್ಳ

ಅಗೋಸ್ತಾಚ್ಯಾ 31 ತಾರಿಕೆರ್ ಫಿರ್ಗಜಿಚ್ಯಾ 30 ಜೊಡ್ಯಾಂಚೆ ಕಾಜಾರ್ ನೊಂದಾವಣ್ ಎಡ್ವೋಕೆಟ್ ಸಿಲ್ವಿಯಾ ಡಿಸೋಜಾನ್ ಕರ್ನ್ ದಸ್ತಾವೆಜ್ ಹಸ್ತಾಂತರ್ ಕೆಲೆಂ.
ಮೊಂತಿ ಸಾಯ್ಬಿಣಿಚ್ಯಾ ನೊವೆನಾಚಿ ಫುಲಾಂ ಜಾಡ್ನ್ ಕಾಡ್ನ್ ನಿತಳಾಯ್ ಕರ್ನ್ ಸರ್ವಾಂಕ್ ಗೊಡ್ಸೆಂ ವಾಂಟ್ಲಾ. ತಸೆಂಚ್ 7 ತಾರಿಕೆರ್ ಕಣ್ಸಿ ನಿತಳ್ ಕರ್ನ್ ವ್ಯವಸ್ಥಿತ್ ರಿತಿನ್ ಮಾಂಡುನ್ ದವರ್ಲಾ.
ಅಕ್ಟೋಬರ್ 12 ತಾರಿಕೆರೆ ಪಾತ್ರೊನ್ ಸಾಂ ತೆರೆಜಾಕ್ ಮಾನ್ ಕರುನ್ ಅರ್ಗಾಂ ಬಲಿದಾನ್ ಭೆಟವ್ನ್ನ ಸಾಂಜೆರ್ ಸರ್ವ್ ಸಾಂದ್ಯಾನಿ ಸಾಂಗಾತಾ ಮೆಳೊನ್ ರಾಂದ್ ಲ್ಲೆ ಜೆವಾಣ್ ಸಾಂಗಾತಾ ಮೆಳೊನ್ ಜೆವ್ಲ್ಯಾಂವ್.
ಅಕ್ಟೋಬರ್ 21 ತಾರಿಕೆರ್ ಘಟಕಾಚೆಂ ಚುನಾವಣ್ ಆಸ್ಲೆಲೆಂ.
ಕ್ರಿಸ್ಮಸ್ ಫೆಸ್ತಾ ಸಂದರ್ಭಿ ಸರ್ವ್ ಲೊಕಾಂಕ್ ಲಾಡು ತಯಾರ್ ಕರ್ನ್ ಕುಸ್ವಾರ್ ಪ್ಯಾಕ್ ಕೆಲಾ