ಜೆಜುಚಾ ಪವಿತ್ರ್ ಕಾಳ್ಜಾಚಿ ಫಿರ್ಗಜ್ ಮರಿಲ್
ಸ್ತಿ ಸಂಘಟನಾಚಿ ವರ್ಧಿ
ಜೆಜುಚಾ ಪವಿತ್ರ್ ಕಾಳ್ಜಾಚಿ ಫಿರ್ಗಜ್ ಮರಿಲ್
ಅಮ್ಚಾ ಫಿರ್ಗಜೆಂತ್ ವಿಗಾರ್ ಬಾಪ್ ಮಾ| ಜೆ.ಬಿ ಮೊರಾಸ್ ಹಾಂಚಾ ಮಾರ್ಗದರ್ಶನಾಂತ್ ಆನಿ ಅತ್ಮೀಕ್ ಸಲಹೆ ದ್ವಾರಿ ಜಾಯ್ತಿ ಬೊರಿ ಕಾಮಾ ಆನಿ ಸೆವಾ ಚಲೊನ್ ಆಸಾ ಹರ‍್ಯೆಕಾ ಮಹಿನ್ಯಾಚಾ ಪಯ್ಲಾ ಬುದ್ವಾರಾ ಸಾಂಜೆರ್ 5 ವರಾರ್ ಇಗರ್ಜೆಚಾ ಮಿನಿ ಹೊಲಾಂತ್ ಸಂಘಟನಾಚಿ ಜಮತ್ ಚಲ್ತಾ. ಆಮ್ಚಾ ಹರ‍್ಯೆಕಾ ಜಮೆತೆಕ್ ಸರಾಸರಿ ೨೦ ಸಾಂದೆ ಹಾಜರ್ ಅಸ್ತಾತ್. ವಿಗಾರ್ ಬಾಪ್ ಅಮ್ಚಾ ಹರ‍್ಯೆಕಾ ಜಮೆತೆಕ್ ಹಾಜರ್ ಅಸೊನ್ ತಾಂಚಿ ಮೊಲಾದಿಕ್ ಸಲಹಾ ಸೂಚನಾ ದೀವ್ನ್ ಫಿರ್ಗಜೆಂತ್ ಬೊರಿ ಸೆವಾ ಬೆಟಂವ್ಕ್ ಆಮ್ಕಾಂ ತೆಂ ಸಹಕಾರ್ ದಿತಾತ್.
ಅಕ್ಟೋಬರ್ ಮಹಿನ್ಯಾಂತ್ ಮಿಸಾಂವ್ ಆಯ್ತಾರಾಕ್ ಕುಮಕ್ ಜಾವ್ನ್ 15/10/2024 ಆಯ್ತಾರಾ ಸಕಾಳಿಂಚಾ ಆನಿಂ ದುಸ್ರಾ ಮಿಸಾಂಕ್ ಸಂಘಟನಾಚೆ ಸಾಂದೆ ಜಾವ್ನಾಸ್ಚಾ ಶ್ರೀಮತಿ ಲೀನಾ ಪಾಸ್ ಹಿಚಾ ಮುಖೇಲ್ಪನಾಖಾಲ್ ದುಕ್ರಾಮಾಸ್, ಚಿಕನ್‌ಚಿಲ್ಲಿ ರಾಂದ್‌ಲ್ಲಿ, ಸಂಘಟನಾಚಾ ಸಾಂದ್ಯಾನಿ 800 ಇಡ್ಲಿ ತಾಂಚಾಚ್ ಘರಾಂನಿ ತಯಾರ್ ಕರ್ನ್ ವಿಕ್ರಾಪಾಚೆ ಸ್ಟೋಲ್ ದವರ್‌ಲ್ಲೆ ಹ್ಯಾ ವರ್ವಿ ಆಮ್ಕಾಂ ಮೆಳ್‌ಲ್ಲೊ ಆದಾಯ್ ಸುಮಾರ್ ರುಪೈ 40,770/ ಆಮಿ ಮಿಸಾವಾಂಕ್ ದಾನ್ ಜಾವ್ನ್ ದಿಲಾ. ಸರ್ವ್ ಸಾಂದ್ಯಾನಿ ದುಕ್ರಾಮಾಸ್, ಕುಂಕ್ಡಾಮಾಸ್ ದಾನ್ ದಿಲ್ಲಾ ವರ್ವಿ ಆಮ್ಚೆ ಹೆಂ ಯೋಜನ್ ಫಳಾಧಿಕ್ ಜಾಲೆ ಮ್ಹಣ್ ಸಾಂಗೊoಕ್ ವರ್ತೊ ಅಭಿಮಾನ್ ಭೊಗ್ತಾ.
ಡಿಸೆಂಬರ್ ಮಹಿನ್ಯಾಂತ್ ಕ್ರಿಸ್ಮಸಾಚಾ ಕುಸ್ವಾರ್ ತಯಾರ್ ಕರ್ಚೆಂ ಯೋಜನ್ ಆಮಿ ಹಾತಿ ಘೆತ್‌ಲ್ಲೆಂ ಸಾಂದ್ಯಾನಿ ತಾಂಚಾ ವಾಡ್ಯಾಂತ್ ಸಾಂಗಾತಾ ಮೆಳೊನ್ ಕುಸ್ವಾರ್ ತಯಾರ್ ಕರ್ನ್ 22/12/2024 ದಿಸಾ ಸನ್ವಾರಾ ಆನಿ ಆಯ್ತಾರಾ ಮಿಸಾ ಉಪ್ರಾಂತ್ ಫಿರ್ಗಜೆಚಾ ಲೊಕಾಕ್ ವಿಕ್ಲೊ ಹ್ಯಾ ವರ್ವಿಂ ಆಮ್ಕಾಂ ರುಪೈ 19,640/ ಆದಾಯ್ ಸಂಘಟನಾಚಾ ಫಂಡಾಕ್ ಫಾವೊ ಜಾಲಾಂ ಸಾಂದ್ಯಾಚಾ ಎಕ್ವಟಿತ್ ಮನೋಭಾವಾಕ್ ಹಿಂ ಎಕ್ ಸಾಕ್ಸ್ ಜಾವ್ನಾಸಾ.
ಆಮ್ಚಾ ಸ್ತಿ ಸಂಘಟನಾ ಥಾವ್ನ್ ಆಮ್ಚಾ ಫಿರ್ಗಜೆಚಾ ದುಬ್ಳಾ ಕುಟ್ಮಾಂಕ್ ಭೆಟ್ ದೀವ್ನ್ ತಾಂಕಾ ಮಹಿನ್ಯಾಚಿ ವರ್ವಿ(ಸಾಮಾನ್) ದೀವ್ನ್ ಕುಮಕ್ ಕೆಲ್ಯಾ. ಇಗರ್ಜೆಂತ್ ಅಕ್ಟೋಬರ್ ಮಹಿನ್ಯಾಚ್ಯಾ ೩೦ ತಾರಿಕೆರ್ ರೊಜಾರಿ ಮಾಯೆಚೊ ತೇರ್ಸ್ ಆಮ್ಚಾ ಮುಖೇಲ್ಪಣಾಖಾಲ್ ಚಲವ್ನ್ ವೆಲಾ. ಫೆಸ್ತಾ ಆನಿ ಇತರ್ ಇಗರ್ಜೆಂತ್ ಚಲ್ಚಾ ಕಾರ್ಯಕ್ರಮಕ್ ಸಂಘಟನಾಚೆ ಸಾಂದೆ ನಿತಳಾಯ್, ಲಿತುರ್ಜಿ ಅಶೆಂ ಹರ‍್ಯೆಕಾ ಸಂಗ್ತಿನಿ ತಾಂಚಿ ಭರ್ಪೂರ್ ಸೆವಾ ಭೆಟಯ್ತಾತ್ ಆಶೆಂ ಅಮ್ಚೆ ಸಂಘಟನ್ ಬರ‍್ಯಾ ರಿತಿನ್ ವಾವ್ರ್ ಕರುಂಕ್ ದೇವ್ ಆಮ್ಕಾಂ ಸರ್ವ್ ರಿತಿನ್ ದಿತಾಂ ಮ್ಹಣ್ ಸಾಂಗೊನ್ ಹಿ ವರ್ದಿಂ ಅಖೇರ್ ಕರ್ತಾಂ . ದೇವ್ ಬರೆಂ ಕರುಂ.
