ಕಥೊಲಿಕ್ ಸ್ತ್ರೀ ಮoಡಳಿ, ಬೆಳ್ತoಗಡಿ ವಾರಾಡ್ಯಾoತ್ ಮಾಲ್ಘಡ್ಯಾoಚೊ ದೀಸ್ ಆಚರಣ್

ಕಥೊಲಿಕ್ ಸ್ತ್ರೀ ಮoಡಳಿ, ಬೆಳ್ತoಗಡಿ ವಾರಾಡ್ಯಾoತ್ ಮಾಲ್ಘಡ್ಯಾoಚೊ ದೀಸ್ 2026 ಅಕ್ಟೋಬರ್ 01 ವೆರ್ ಬ್ರೆಸ್ತಾರಾ ದಯಾ ಸ್ಪೆಷಲ್ ಸ್ಕೂಲ್, ವಿಮುಕ್ತಿ, ಲಾೖಲ,ಬೆಳ್ತoಗಡಿ ಹಾoಗಾಸರ್ ಆಚರಣ್ ಕೆಲೊ. ವೆದಿರ್ ಕಥೊಲಿಕ್ ಸ್ತ್ರೀ ಮಂಡಳಿ ಬೆಳ್ತಂಗಡಿ ವಾರಾಡ್ಯಾಚೆ ದಿರೆಕ್ತೊರ್ ಮಾ.ಬಾ. ಅಬೆಲ್ ಲೋಬೊ, ದಯಾ ಸ್ಪೆಷಲ್ ಸ್ಕೂಲ್ ಹಾಚೆ ನಿರ್ದೇಶಕ್ ಮಾ.ಬಾ.ವಿನೋದ್ ಮಸ್ಕರೇನಸ್, ಕಥೊಲಿಕ್ ಸ್ತ್ರೀ ಮಂಡಳಿ ಬೆಳ್ತಂಗಡಿ ವಾರಾಡ್ಯಾಚಿ ಅಧ್ಯಕ್ಷಿಣ್ ಶ್ರೀಮತಿ ಗ್ರೇಸಿ ಲೋಬೊ, ಕಾರ್ಯದರ್ಶಿ ಶ್ರೀಮತಿ ಲೀನಾ ಕ್ರಾಸ್ತಾ ತಶೆಂಚ್ ಮಾಲ್ಘಡಿ ಸ್ತ್ರೀ ಶ್ರೀಮತಿ ಸ್ಟೆಲ್ಲಾ ಫ್ರ್ಯಾಂಕ್ ಹಾಜರ್ ಆಸಲ್ಲಿಂ.

ಮಾ. ಬಾ. ಅಬೆಲ್ ಲೋಬೊ ಹಾಣಿಂ ಉಲವ್ನ್ ಸ್ತ್ರೀಯೊ ಸದಾಂಚ್ ಸುಡ್ಸುಡಿತ್ ಜಾವ್ನ್ ಕಾರ್ಯಕ್ರಮ್ ಚಲವ್ನ್ ವರ್ತಾತ್ ಮ್ಹುಣ್ ಸ್ತ್ರೀಯಾಂಕ್ ಶಭಾಸ್ಕಿ ಪಾಠವ್ನ್ ಹೊಗ್ಳಿಕ್ ಉಚಾರ್ಲಿ. ಮಾ.ಬಾ.ವಿನೋದ್ ಮಸ್ಕರೇನಸ್ ಹಾಣಿಂ ದೆವಾಚಾ ಉತ್ರಾಚೆರ್ ನಿಯಾಳ್ ದೀವ್ನ್, ಬೆಳ್ತಂಗಡಿ ವಾರಾಡ್ಯಾಂತ್ ಕಥೊಲಿಕ್ ಸ್ತ್ರೀ ಮಂಡಳಿ ಆರಂಭ್ ಜಾವ್ನ್ ಪಂಚ್ವೀಸ್ ವರ್ಸಾಂ ಸಂಪ್ಚ್ಯಾ ಜುಬ್ಲೆವಾಚಾ ಸುವಾಳ್ಯಾರ್ ವಿವಿದ್ ಕಾರ್ಯಕ್ರಮಾಂ ಮಾಂಡುನ್ ಹಾಡ್ತಾ, ತ್ಯಾ ಸರ್ವ್ ಕಾರ್ಯಕ್ರಮಾಂಕ್ ಆನಿಂ ಜುಬ್ಲೆವ್ ವರ್ಸಾಕ್ ಬರೆಂ ಮಾಗ್ಲೆಂ ಆನಿಂ ಮಾಲ್ಘಡ್ಯಾಂಚೊ ದೀಸ್ ದಯಾ ಸ್ಪೆಷಲ್ ಇಸ್ಕೊಲಾಂತ್ ಆಚರಣ್ ಕೆಲ್ಲ್ಯಾ ಖಾತಿರ್ ಹೊಗ್ಳಿಕ್ ಉಚಾರ್ಲಿ.

ದಯಾ ಇಸ್ಕೊಲಾಚ ಭುರ್ಗ್ಯಾಂನಿಂ ನೃತ್ಯ್ ಆನಿಂ ಗಾಯಾನಾಂ ಮುಖಾಂತ್ರ್ ತಶೆಂಚ್ ಮಾಲ್ಘಡಿ ಸ್ತ್ರೀ ಫೆಲ್ಸಿಟಾ ಮೋರಿಸ್ ಹಿಣೆಂ ನೃತ್ಯ್ ಪ್ರದರ್ಶನ್ ಕರ್ನ್ ಜಮ್ಲೆಲ್ಯಾಂಕ್ ಮನೋರಂಜಿತ್ ಕೆಲೆಂ.

ಬಾರಾ ಘಟಕಾ ಅನಿಂ ವಾರಾಡ್ಯಾ ತರ್ಫೆನ್ ವರ್ವಿ ಆನಿಂ ಪಯ್ಶೆ ಎಕ್ಟಾಂಯ್ ಕರ್ನ್ ವಿಶೇಷ್ ಸಕ್ತೆಚಾ ಭುರ್ಗ್ಯಾಂಚಾ ಖರ್ಚಾ ಬಾಬ್ತಿನ್ ಕುಮೊಕ್ ಜಾವ್ನ್ ವಿಮುಕ್ತಿ ಸಂಸ್ಥ್ಯಾಚೊ ನಿರ್ದೇಶಕ್ ಬಾಪ್ ವಿನೋದ್ ಮಸ್ಕರೇನಸ್ ಹಾಂಕಾಂ ಹಸ್ತಾಂತರ್ ಕೆಲೆಂ. ಮಾಲ್ಘಡ್ಯಾಂಕ್ ವಿವಿಧ್ ಖೆಳ್ ಆಸಾ ಕೆಲ್ಲೆ. ಖೆಳಾಂತ್ ಜಿಕ್ಲೆಲ್ಯಾಂಕ್ ಇನಾಮಾಂ ವಾಂಟ್ಲಿಂ. ಸರ್ವ್ ಮಾಲ್ಘಡ್ಯಾಂಕ್ ತಶೆಂಚ್ ನೃತ್ಯ್ ಪ್ರದರ್ಶನ್ ಕೆಲ್ಲ್ಯಾ ಭುರ್ಗ್ಯಾಂಕ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಪ್ರೋತ್ಸಾಹಿತ್ ಕೆಲೆಂ.

ಕಥೊಲಿಕ್ ಸ್ತ್ರೀ ಮಂಡಳಿಚಾ ತರ್ಫೆನ್ ಜಮ್ಲೆಲ್ಯಾ ಸರ್ವಾಂಕ್ ಜೆವ್ಣಾಚಿ ವ್ಯವಸ್ಥಾ ಆಸಾ ಕೆಲ್ಲಿ.ದಯಾ ಸ್ಪೆಷಲ್ ಇಸ್ಕಾಲಾಚ ಮುಖೆಲ್ ಮೆಸ್ತ್ರಿಣ್ ಶ್ರೀಮತಿ ದಿವ್ಯ ಹಿಣೆಂ ಜಮ್ಲೆಲ್ಯಾ ಸಮೇಸ್ತಾಂಕ್ ಸ್ವಾಗತ್ ಕರ್ನ್, ವಾರಾಡೊ ಸ್ತ್ರೀ ಮಂಡಳಿಚಿ ಕಾರ್ಯದರ್ಶಿ ಶ್ರೀಮತಿ ಲೀನಾ ಕ್ರಾಸ್ತಾ ಹಿಣೆಂ ಧನ್ಯವಾದ್ ದಿಲೆಂ.ವಾರಾಡೊ ಜಾಗ್ರಣ್ ಪ್ರತಿನಿಧಿ ಶ್ರೀಮತಿ ಪ್ರಮೀಳ ಮೋನಿಸ್ ಹಿಣೆಂ ಕಾರ್ಯೆಂ ನಿರ್ವಹಣ್ ಕೆಲೆಂ.

ಕಥೊಲಿಕ್ ಸ್ತ್ರೀ ಮoಡಳಿ, ಬೆಳ್ತಂಗಡಿ ವಾರಾಡ್ಯಾಚಿ ಉಪಾಧ್ಯಕ್ಷಿಣ್ ಶ್ರೀಮತಿ ವೀಣಾ ಫೆರ್ನಾಂಡಿಸ್, ಸಹ ಕಾರ್ಯದರ್ಶಿ ಶ್ರೀಮತಿ ಐರಿನ್ ಡಿಕುನ್ಹಾ , ಖಜಾನ್ದಾರ್ ಶ್ರೀಮತಿ ಮೇಬಲ್ ಕ್ರಾಸ್ತಾ ಹಾಣಿಂ ಹಾಜಾರ್ ಆಸೊನ್ ಕಾರ್ಯೆಂ ಸುಫೊಳ್ ಜಾಂವ್ಕ್ ಸಂಪೂರ್ಣ್ ಸಹಾಕಾರ್ ದಿಲೊ.