ಕಥೊಲಿಕ್ ಸ್ತ್ರೀ ಮಂಡಳಿ ಬೆಳ್ತಂಗಡಿ ವಾರಾಡ್ಯಾಚೊ ಮೊಂತಿ ಫೆಸ್ತಾಚೊ ದಬಾಜೊ

ಕಥೊಲಿಕ್ ಸ್ತ್ರೀ ಮಂಡಳಿ ಬೆಳ್ತಂಗಡಿ ವಾರಾಡ್ಯಾಚೊ ಮೊಂತಿ ಫೆಸ್ತಾಚೊ ದಬಾಜೊ 2026 ಸೆಪ್ಟೆಂಬರ್ 20ವೆರ್ ಆಯ್ತಾರಾ ಬೆಳ್ತಂಗಡಿ ಇಗರ್ಜೆಚ್ಯಾ ಸಭಾ ಸಾಲಾಂತ್ ಅಸಾ ಕೆಲ್ಲೆ.

ವೆದಿರ್ ಬೆಳ್ತಂಗಡಿ ವಾರಾಡ್ಯಾಚೆ ವಿಗಾರ್ ವಾರ್ ಮಾ.ಬಾ.ವಾಲ್ಟರ್ ಡಿಮೆಲ್ಲೊ, ಆತ್ಮಿಕ್ ನಿರ್ದೇಶಕ್ ಮಾ.ಬಾ.ಅಬೆಲ್ ಲೋಬೊ , ಕಥೊಲಿಕ್ ಸ್ತ್ರೀ ಮಂಡಳಿ ಬೆಳ್ತಂಗಡಿ ವಾರಾಡ್ಯಾಚಿ ಅಧ್ಯಕ್ಷಿಣ್ ಶ್ರೀಮತಿ ಗ್ರೇಸಿ ಲೋಬೊ, ಕಾರ್ಯದರ್ಶಿ ಲೀನಾ ಕ್ರಾಸ್ತ ,ಬೆಳ್ತಂಗಡಿ ಕೊವೆಂತಾಚಿ ವ್ಹಡಿಲ್ನ್ ಸಿ.ಜೆಸಿಂತಾ ಬಾರೆಟ್ಟೊ, ಬೆಳ್ತಂಗಡಿ ಫಿರ್ಗಜ್ ಗೊವ್ಳಿಕ್ ಪರಿಷದೆಚೆ ಉಪಾಧ್ಯಕ್ಷ್ ಶ್ರೀಮಾನ್ ವಾಲ್ಟರ್ ಮೋನಿಸ್, ಕಾರ್ಯದರ್ಶಿ ಶ್ರೀಮಾನ್ ಗಿಲ್ಬರ್ಟ್ ಪಿಂಟೊ,ಸಂಯೋಜಕ್ ಶ್ರೀಮಾನ್ ತೋಮಸ್ ಪಿಂಟೊ ಉಪಸ್ಥಿತ್ ಆಸ್ ಲ್ಲೆ.

ಬಾಳೊಕ್ ಮರ್ಯೆಕ್ ಫುಲಾಂ ಝೆಲೊ ಅರ್ಪುಂಚ್ಯಾ ಮುಖಾಂತ್ರ್ ಕಾರ್ಯಕ್ರಮಚೆ ಉದ್ಘಾಟನ್ ವಿಗಾರ್ ವಾರ್ ಮಾ.ಬಾ.ವಾಲ್ಟರ್ ಡಿಮೆಲ್ಲೊ ಬಾಪಾನಿ ಕರ್ನ್ ಅಪ್ಲ್ಯಾ ಉದ್ಘಾಟನಾಚ್ಯಾ ಸಂದೇಶಾಂತ್ ಸ್ತ್ರೀ ಮಂಡಳಿಕ್ ಬರೆಂ ಮಾಗೊನ್ ದೆವಾಚಿ ಬೆಸಾಂವಾಂ ಆಮ್ಚೆರ್ ಮಾಗ್ಲಿ.

ನಿರ್ದೇಶಕ್ ಬಾಪ್ ಅಬೆಲ್ ಲೋಬೊನ್ ಹರ್ಯೆಕಾ ಸಂಗ್ತಿನಿ ತುಮಿ ಸ್ತ್ರೀ ಮಂಡಳಿಚೆ ಸಾಂದೆಂ ಖಳ್ಮಿತ್ ನಾಸ್ತಾಂ ವಾವುರ್ತಾತ್, ಅನಿಕಿ ತುಮ್ಚಿ ಉರ್ಭಾ ಚಡೊಂದಿ ಮ್ಹುಣ್ ದೆವಾಚೊ ಆಶೀರ್ವಾದ್ ಆಮ್ಚೆರ್ ಮಾಗ್ಲೊ.

ಧರ್ಮ್ ಭಯ್ಣ್ ಜೆಸಿಂತಾನ್ ಸ್ತ್ರೀಯಾನಿಂ ಸಂಸಾರಾರ್ ನವಾಲ್ ಹಾಡ್ಲಾ, ಮರ್ಯೆ ಮಾಯೆಚ್ಯಾ ಶೆಗುಣಾನಿಂ ಬರೊನ್ ಸ್ತ್ರೀ ಮಂಡಳಿಚೊ ವಾವ್ರ್ ಮುಖಾರ್ಸಿಯಾ ಮ್ಹುಣೊನ್ ಬರೆಂ ಮಾಗ್ಲೆ.

ವಾರಾಡೊ ಅಧ್ಯಕ್ಷಿಣ್ ಶ್ರೀಮತಿ ಗ್ರೇಸಿ ಲೋಬೊ ನ್ ಪ್ರಾಸ್ತಾವಿಕ್ ಉಲೊವ್ನ್ ಸರ್ವಾಂಕ್ ಮೊಗಾಚೊ ಯೆವ್ಕಾರ್ ಮಾಗ್ಲೊ.ಘಟಕಾವಾರ್ ಕೊಂತ್ ಸ್ಪರ್ಧೊ, ಫುಲಾಂ ಬುಕ್ಕೊ ಸ್ಪರ್ದೊ, ವೆಲಂಕಣಿ ಮಾಂಯ್ ಚಿ ನಕ್ಲಿಂ ನೆಸ್ಣಾಂ ಸ್ಪರ್ದೊ ಮಾಂಡುನ್ ಹಾಡ್ನ್ ವಿಜೇತಾಂಕ್ ಇನಾಮಾಂ ವಾಂಟ್ಲಿ.

ಪ್ರಸ್ತುತ್ ಸ್ತ್ರೀ ಸಂಘಟನಾಂತ್ ಆಸೊನ್ ಸಾಧನ್ ಕೆಲ್ಲ್ಯಾ ಏಕಾ ಘಟಕಾಚಾ ಏಕ್ ಸ್ತ್ರೀ ಯೆಕ್ ಸನ್ಮಾನ್ ಕಾರ್ಯೆಂ ಅಸಾ ಕೆಲ್ಲೆ.

ಘಟಕಾವಾರ್ ಲಕ್ಕಿಡಿಪ್ ಬೂಕಾಚ್ಯೊ ಟಿಕೆಟ್ಯೊ ವಿಕ್ಚ್ಯೊ ಅನಿಂ ಚಡ್ ವಿಕ್ಲ್ಯಾಂಕ್ ಬಹುಮಾನ್ ವಿತರಣ್ ಕೆಲೆ.